«Тополек» дүкенін тонады деген күдіктілердің бірі полицияға өзі берілді

Қостанайда дүкенді тонады деген күдіктілердің бірі полицияға өзі берілді деп хабарлайды tobyl-torgai.kz тілшісі Alau.kz-ке сілтеме жасап.
Қостанай облыстық ІІД баспасөз қызметінің мәліметінше, 3 наурызда қала орталығындағы дүкенді тонады деген үшінші күдікті ұсталды.
«3 наурызда үшінші күдікті полиция бөлімшесіне келіп, барлығын мойындады. Жасы 23-те. Тергеу жалғасып жатыр» деп хабарлады облыстық ведомствоның баспасөз қызметіндегілер.
Еске сала кетейік, осыған дейін екі күдікті ұсталған болатын. Сондай-ақ осыған дейін полицейлердің Қостанайда дүкеннің тоналуына қатысты қылмыстың бетін ашқаны хабарланған еді.
«Осы қылмысты ашуға барлық күш жұмылды, арнайы топ құрылды, облыстық ІІД жеке құрамы жұмылдырылды. Кешенді жедел-іздестіру шаралары жүргізілді. Үлкен жұмыс атқарылды. Жақсы нәтиже көрсетті — қылмыс ашылды. Толығырақ ақпарат кейінірек беріледі» деген еді Қостанай облыстық ІІД баспасөз хатшысы Ирина Беженарь.

Осыған дейін Қостанайда үш ер адамның қала орталығында орналасқан дүкенге баса-көктеп кіргені хабарланған болатын. Видеодағы кадрлардан дүкенге үш ер адамның кіріп, ондағы қызметкер мен күзетшіні еденге жатқызып жатқаны көрінеді. Олардың екеуі күзетшіні ұстап тұрған, ал үшіншісі қыздан кассаны ашып, ақшаларды беруін талап еткен.

Тобыл-Торғай-ақпарат

Мынаны да қараңыз

«Арқалықтың жастарын оқытыңыздар…»

Облыс әкімі Архимед Мұхамбетов жұмыс сапарымен Арқалық қаласына барды деп хабарлайды ҚазАқпарат. Облыстың ет кластерін ...

Пікір қалдыру

Сіздің e-mail жарияланбайды. Толтырылуы міндетті *