Қостанай облысында орманнан мүрде табылды

Қостанай облысында орман алқабынан 56 жастағы ер адамның денесі табылды деп хабарлайды ҚазАқпарат облыстық полиция департаментінің баспасөз қызметіне сілтеме жасап.
Оқиға 7 қараша күні Таран ауданында болған. Полицияның кезекші бөліміне жергілікті ЖШС нысаны маңынан ер адамның мүрдесі табылғаны хабарланған.
«Жедел-із кесу шаралары барысында 56 жастағы тұрғылықты мекен жайы жоқ ер адамның мүрдесі анықталды. Полицейлер үш тәулік ішінде 37 жастағы күдіктіні ұстады. Ол ішімдікке мас күйінде жәбірленушіні ұрып-соғып, денесін орман алқабына тастағанын мойындады», — дейді ведомоствоның баспасөз қызметіндегілер.
Қазіргі уақытта аталған факт бойынша ҚР ҚК 99-бабымен сотқа дейінгі тергеп-тексеру шаралары жүргізіліп жатыр.

Тобыл-Торғай-ақпарат

Мынаны да қараңыз

Тағы бір әйелдің өлі денесі табылды

Қостанай облысында 45 жастағы әйелдің денесі табылды деп хабарлайды tobyl-torgai.kz тілшісі ҚазАқпаратқа сілтеме жасап. Оқиға ...