Қостанайда қауіпті ойыншықтар сатылып келген

Облыстық Тауарлар мен қызметтердің сапасы мен қауіпсіздігін бақылау департаментінің қызметкерлері қауіпті ойыншықтарды анықтап, дүкен сөрелерінен алып тастады деп хабарлайды ҚазАқпарат. 

Ведомствоның бөлім басшысы Рагуль Таженова айтқандай, өңірде балалар ойыншықтары үнемі тексеруден өтіп тұрады. Өткен жылы аумақтық басқармалардың мамандары 167 ойыншық сынамасын іріктеп алған, оның 67-сі техникалық регламент талаптарына сәйкес келмеген.

«Ойыншықтардың қауіпсіздігі туралы» техникалық регламент бойынша, дайындаушы немесе өнім беруші тарап сатып алушыны ойыншық туралы қажетті ақпаратпен қамтамасыз етуге тиіс. Тиісінше, тұтынушы ойыншықтың құрамы, қасиеттері, сақтау, пайдалану шарттары, жарамдылық мерзімі, салмағы, қауіпсіздігі сияқты мәліметтерді білуі қажет. Бүгінде талаптарға сәйкес келмейтін ойыншықтардың 80% — ы Қытайда өндірілген, қалған 20% — ы Ресей, Украина, Өзбекстан елдерінен келген ойыншықтар. Атап айтқанда, Қытайдан әкелінген «Барби Beauty» және «L.O.L. Fruit doll», «Racing Super» ойыншықтары токсикологиялық-гигиеналық көрсеткіштерге сәйкес келмеді. Бұлар баланың денсаулығына қауіпті саналады. Бұл ойыншықтар дүкен сөрелерінен алынып тасталды», — деді Рагуль Таженова.

2019 жылы талаптарға сәйкес келмейтін ойыншықтарды сатқан жауапты тұлғаларға 314061 теңге сомасында 6 айыппұл салынды.

Мынаны да қараңыз

А. Мұхамбетов: Облыс спорты айтулы жаңалықтарға толы болды

Қостанай облысының әкімі Архимед Мұхамбетов халыққа есеп беру жиынында спорт саласындағы 2019 жылдың басты жетістіктері ...

Пікір қалдыру

Сіздің e-mail жарияланбайды. Толтырылуы міндетті *