«Тобыл» «Динамоны» тізе бүктірді

Қостанайдың «Тобыл» командасы Украинаның «Динамосын» жеңді деп хабарлайды ҚазАқпарат.

Кеше қостанайлықтар Түркиядағы оқу-жаттығу жиындары аясында Украинаның 15 дүркін чемпионы «Динамо» командасымен кездесті. Бірінші таймда Киев футболшылары 2:0 есебімен жеңді. Ойынның екінші бөлігінде Григорий Бабаян алаңға бірнеше тың футболшыны шығарды. Алдымен команда капитаны Азат Нұрғалиев пенальтиден есеп айырмасын қысқартса, Серікжан Мұжықов таразы басын теңестірді. Мұнан соң Роман Мұртазаев пен Петрос Аветисян бір-бірден гол соқты. Есеп – 4:2! «Тобыл» жеңіске жетті.

Айта кетейік, бұл – қостанайлық клубтың 2020 жылдағы бірінші жеңісі.

Мынаны да қараңыз

«Цифрлық Қазақстан»: Бағдарламаның орындалуына 3,5 млрд теңге бөлінді

Қостанай облысында «Цифрлық Қазақстан» мемлекеттік бағдарламасының орындалуына 3,5 млрд теңге қаражат бөлінді деп хабарлайды ҚазАқпарат ...

Пікір қалдыру

Сіздің e-mail жарияланбайды. Толтырылуы міндетті *