Қостанай облысында ойын-сауық орталықтарының жұмыс істеуіне рұқсат берілді

Қостанай облысында 25 мамырдан бастап карантинді жеңілдетудің жаңа кезеңі енгізіледі. Бұл туралы бүгін облыс әкімінің қатысуымен өткен аппарат мәжілісінде айтылды деп хабарлайды ҚазАқпарат.

Архимед Мұхамбетов коронавирус инфекциясының таралуына жол бермеу жөніндегі жедел штабтың кезекті отырысы өткізді. Бүгінде аймақта COVID-19 індетінің 112 жағдайы тіркелген, оның ішінде 50 адам сауығып, 2 науқас қайтыс болған. Жедел штаб отырысында Жітіқара қаласын қоспағанда, облыс аумағында карантиндік іс-шараларды жеңілдетудің 4-ші кезеңін енгізу туралы шешім қабылданды.

Сонымен, 25 мамырдан бастап келесі нысандардың жұмысына рұқсат етіледі:

1. Азық-түлік емес сауда орталықтары мен дүкендер (алаңы 2000 ш.м. астам), сауда, ойын-сауық орталықтары;

2. Мектептен тыс қосымша білім беру ұйымдары (даму, білім беру орталықтары, үйірмелер, факультативтер және т.б);

3. Банкеттер, үйлену тойлар, мерейтойлар, атаулы іс-шаралар, сондай-ақ мектеп бітіру іс-шараларынан тыс, сағат 7-00-ден 22-00-ге дейін уақытта келушілер саны 30 адамнан аспайтын қоғамдық тамақтандыру объектілері, жазғы террасалар (үстелдерді арақашықтығы кемінде 2 метр);

4. Массаж салондары;

5. 30 адамға дейін репитиция өткізуге арналған кітапханалар, мәдениет объектілері;

6. 30 адамға дейінгі топтарға, оның ішінде тренажер залдарына жаттығу өткізетін спорт объектілері;

7. Қосымша қызмет көрсетусіз қонақ үйлер (СПА, бассейндер, жаттығу залдары, бильярд, кинозалдар, конференцзалдарды жалға алу).

«Ораза Айт мерекесін көпшілік қауымсыз, туған-туыстар мен жақындардың ортасында мерекелеуді ұсынамын. Қазір вирусқа байланысты тұрақты түрде мониторинг жүргізіліп жатыр және карантиндік шараларды одан әрі жеңілдету туралы шешім эпидемиологиялық жағдайды ескере отырып, кезең-кезеңмен қабылданады» деді облыс әкімі.

Мынаны да қараңыз

Азаматтардың құқығы бәрінен биік тұруы керек

«Әділдік және өркендеу» қоғамдық қорының жергілікті өкілдері Қостанай облыстық ардагерлер кеңесі басшылығымен кездесті. Кеңес төрағасы ...

Пікір қалдыру

Сіздің e-mail жарияланбайды. Толтырылуы міндетті *