Қостанай облысында қолдан құжат жасаған полицейлер қамалды

Сотқа дейінгі тергеу құжаттарында жалған дәлелдер пайдаланған Қостанай облысының тәртіп сақшылары қамауға алынды деп хабарлайды ҚазАқпарат.

Сыбайлас жемқорлыққа қарсы күрес қызметінің бас маманы Евгений Бедычтың мәліметінше, Алтынсарин ауданында полиция бөлімінің жедел уәкілдері қызметтік өкілеттігін асыра пайдаланды және жалған құжат жасады деген күдікпен қылмыстық жауапкершілікке тартылып отыр.

«Олар полиция бөліміндегі ұрлықтарды ашу бөлімшесінің жұмыс нәтижесін асыра көрсету мақсатында сотқа дейінгі тергеу құжаттарында жалған дәлелдер пайдаланған. Күдіктілер 13 мамыр күні ұсталып, сот санкциясымен қамауға алынды. Қазір тергеу шаралары жүріп жатыр», — деді Е.Бедыч.

Мынаны да қараңыз

Маркетплейстер контрафактінің таралу орнына айналып барады

Әділет органдарының қызметіндегі бағыттардың бірі – зияткерлік меншік құқығын сақтау мен қорғау саласындағы мемлекеттік саясатты ...

Пікір қалдыру

Сіздің e-mail жарияланбайды. Толтырылуы міндетті *