«Бюджет қаражатын жымқырған»: Қостанай облысында білім мекемелерінің басшылары сотталды

Қостанай облысында білім саласында жемқорлыққа жол берген екі лауазымды тұлға қылмыстық жауапқа тартылды. Бұл туралы бүгін Қостанай облыстық мәслихатының кезектен тыс сессиясында белгілі болды.

Қазақпараттың жазуынша, сессия барысында Қостанай облысы бойынша Тексеру комиссиясының төрағасы Дмитрий Костюковтың баяндамасы тыңдалды. Ол облыстық бюджеттің орындалу сапасы, аудит және сараптамалық-талдау іс-шараларының нәтижелеріне тоқталды.

«Бюджетті жүзеге асыруда 435,8 млн.теңге сомасында қаржылық бұзушылықтар анықталды. Оның ішінде 21,2 млн теңге облыстық ұйымдар бойынша есепке алынды. Бухгалтерлік есепті жүргізу кезінде 833,4 млн теңге ретсіз немесе заңсыз жұмсалған. 1315 құжатты рәсімдеу кезінде тәртіп бұзылған. Облыстық бюджеттен қаржыландырылатын объектілер бойынша 32 заңбұзушылық тіркелді» деді Дмитрий Костюков.

Оның айтуынша, қаржылық талаптардың бұзылуына қатысты 10 материал құқық қорғау органдарына жіберілді. Оның ішінде облыстық бюджеттен қаржыландырылатын 2 аудит нысаны бар.

«Екі лауазымды тұлға әр түрлі мерзімге қылмыстық жауапқа тартылды. Олар 4,7 млн теңгеге жуық бюджет қаражатын ұрлағаны және ысырап еткені үшін сотталды. Атап айтқанда, «Қамысты ауданы әкімдігінің білім бөлімі» мемлекеттік мекемесінің басшысы 1,1 млн теңгені жымқырса, Сарыкөл ауданы әкімдігі білім бөлімінің «Бөбек» балабақшасы 3,6 млн теңгені ысырап еткен. Мемлекеттік аудит қорытындысы бойынша тексеру комиссиясы және уәкілетті органдар заңбұзушылықтарға жол берген тұлғаларға қатысты 170 хаттама толтырды» деді Тексеру комиссиясының төрағасы.

Мынаны да қараңыз

«Қазір адамдар күн сайын көз жұмып жатыр»: қостанайлық дәрігерлер жұмысқа шығудан бас тартты

Бүгін Қостанай облысында індет жұқтыру жағдайы бұрын-соңды болмаған рекордтық көрсеткішке жетіп, бір күнде бірден 48 ...

Пікір қалдыру

Сіздің e-mail жарияланбайды. Толтырылуы міндетті *