Арқалықта 5 жасар қыз 5-қабаттан құлап кеткен

Арқалықта үйдің 5-қабатынан 5 жасар қыз бала құлап кетті деп хабарлайды tobyl-torgai.kz облыстық ТЖД баспасөз қызметіне сілтеме жасап.

«Оқиға 31 тамыз күні болды. Сағат 13:30 шамасында Арқалық қаласында Маясов көшесіндегі тұрғын үйдің бесінші қабатынан 2015 жылы туған қыз құлап кетті. Ол терезеге шығып, москит торын ұстап тұрған. Бұл уақытта баланың ата-анасы көрші бөлмеде жүрген. Алған жарақаты салдарынан бала қалалық аурухананың жансақтау бөлімінде көз жұмды» деп хабарлады ТЖД.

Сондай-ақ дәл осы күні Жітіқара қаласындағы шағын аудандардың бірінде 6-қабаттан 2007 жылы туған жасөспірім құлап кеткен. Ол түрлі дене жарақатымен қалалық ауруханаға жатқызылды.

 

 

 

Мынаны да қараңыз

Азаматтардың құқығы бәрінен биік тұруы керек

«Әділдік және өркендеу» қоғамдық қорының жергілікті өкілдері Қостанай облыстық ардагерлер кеңесі басшылығымен кездесті. Кеңес төрағасы ...

Пікір қалдыру

Сіздің e-mail жарияланбайды. Толтырылуы міндетті *