«Қызыл» аймақтағы Қостанайда карантин 7 желтоқсанға дейін созылды

Қостанай облысында карантин шараларғы 7 желтоқсанға дейін ұзартылды деп хабарлады tobyl-torgai.kz ҚазАқпаратқа сілтеме жасап.

Естеріңізге сала кетейік, 16 қарашадан бастап Қостанай облысында қатаң карантин шаралары енгізілген болатын. Облыстық жедел штабтың шешімімен жабық спорт объектілерінің жұмысына тыйым салынды. Сонымен қатар қоғамдық тамақтану орындарына шектеу енгізілді, атап айтқанда, 1 үстелге 4 адамнан артық отырмайды, үстелдер арасындағы қашықтық 2 метрден кем болмауы тиіс, ал тағамды жеткізу қызметіне сағат 22:00-ге дейін рұқсат етілді.

Бассейндердің жұмысына тыйым салынып, монша мен сауна 09-19.00 арасында ғана істейді. Санаторий мен демалыс базаларының жұмысы тоқтатылған.

Демалыс және мереке күндері автомобильдер мен ауыл шаруашылығы техникасына арналған қосалқы бөлшек сататын дүкендер істемейді.

Медициналық-әлеуметтік сала объектілерінің жұмысы карантин режиміне көшірілді. Балалар секциясы, үйірмелердің қызметіне тыйым салынып, профилактикалық егуді қоспағанда, медицина-санитария алғашқы көмек көрсету ұйымдарында жоспарлы скрининг пен профилактикалық тексеру жасауды тоқтата тұру жөнінде шешім қабылданған.

Қостанай және Рудный қалаларына кіріп-шығуға тыйым салынған. Бүгін Қостанай облысының бас санитар дәрігері Владимир Нечитайло жаңа қаулы шығарды. Оған сәйкес, аталған шектеу шаралары 7 желтоқсан сағат 00:00-ге дейін созылды.

Мынаны да қараңыз

Жангелдин ауданы Қызбел ауылында қуанышты оқиға

Қостанай облысы Жангелдин ауданы Қызбел ауылында ұзақ жылдар бойы күткен ұялы байланыс құралы іске қосылды, ...

Пікір қалдыру

Сіздің e-mail жарияланбайды. Толтырылуы міндетті *