Мазуттан «мезі болған» Арқалық көмір жағатын болды

Арқалықта ЖЭО биыл мазут жағуды қойып, көмірге ауысады. Бұл туралы Қостанай облысы әкімдігінде өткен селекторлық кеңесте Энергетика және тұрғын үй-коммуналдық шаруашылық басқармасының басшысы Дәурен Асқаров мәлімдеген, деп хабарлады tobyl-torgai.kz, ҚазАқпаратқа сілтеме жасап.

«Биыл «Арқалық қаласының жылумен жабдықтау жүйесін 2030 жылға дейін қайта құру» нысанын пайдалануға беру жоспарланған және Арқалық ЖЭО көмірмен жұмыс істей бастайды. Бұл мақсатқа құрылыс-монтаж жұмыстарын аяқтауға республикалық бюджеттен 3 714,5 млн теңге бөлінді. Бұдан басқа, Арқалық ЖЭО-дағы түтін мұржасын қайта жаңарту және іске қосу жұмыстарын жүргізу жоспарлануда», — деді Д. Асқаров.

Жаңартылған ЖЭО-ны пайдалану алдағы 2021-2022 жылғы жылу беру маусымына жоспарланғандықтан, Арқалық ЖЭО-ға облыстық бюджеттен 48 мың тоннадан астам көмір сатып алуға 500 млн теңге сомасында қаржы бөлінді.

«Арқалық қаласының әкімдігі «Арқалық қаласының жылумен жабдықтау жүйесін 2030 жылға дейін қайта құру» жобалары бойынша құрылыс-монтаж жұмыстарын уақытылы және сапалы орындау және Арқалық ЖЭО-да іске қосу жұмыстарын жүргізу мәселесін ерекше бақылауда ұстау қажет», — деді ведомство басшысы.

 

фото: ашық дереккөз

 

Мынаны да қараңыз

Қостанай облысында 89 елді мекенді су басу қаупі бар

Қостанай облысында су тасуы ықтимал кезеңінің қауіпсіз өтуін қамтамасыз ету мақсатында су тасқыны кезеңінде төтенше ...

Пікір қалдыру

Сіздің e-mail жарияланбайды. Толтырылуы міндетті *