Таспа

Қостанай облысына жаңа прокурор тағайындалды

Президент Әкімшілігінің келісімі бойынша аға әділет кеңесшісі Берік Рахатұлы Әбілов Қостанай облысының прокуроры қызметіне тағайындалды, деп хабарлайды tobyl-torgai.kz, облыс прокуратурасының сайтына сілтеме жасап.

Берік Әбілов 1971 жылы Талдықорған (қазіргі Алматы) облысының Жаркент қаласында дүниеге келген. Әл-Фараби атындағы Қазақ мемлекеттік университетін «құқықтану» мамандығы бойынша бітірген.

Еңбек жолын 1993 жылы Талдықорған қаласы прокуратурасында тағылымдамадан өтуші қызметінен бастаған.

Алматы қаласы прокуратурасының тергеушісі, аса маңызды істер жөніндегі тергеушісі, Бас прокуратураның басқарма бастығы, Қылмыстық қудалау қызметі бастығының орынбасары лауазымдарын атқарды.

Қаржы полициясы органдарында басшылық лауазымдарда жұмыс істеді.

2018 жылдан бастап Нұр-Сұлтан қаласы прокурорының бірінші орынбасары лауазымын атқарды.

Еске сала кетсек, облыстың бұрынғы прокуроры Тимур Сүлейменов ректор қызметіне тағайындалған еді.

 

фото: lada.kz

Мынаны да қараңыз

Рудный студенттері уланған асхана қызметкерлері стафилококк жұқтырған

Рудныйдағы колледж асханасының үш қызметкерінен патогенді алтын стафилококк анықталды. Бұл туралы өзінің Facebook парақшасында Санитарлық-эпидемиологиялық ...

Пікір қалдыру

Сіздің e-mail жарияланбайды. Толтырылуы міндетті *