Таспа

«Вакцина алмаған студенттер сабаққа кіргізілмейді»: Қостанайдағы ЖОО мәтіннен қате кетті деп отыр

Биыл 9 шілдеде академик З. Алдамжар атындағы Қостанай әлеуметтік-техникалық университеті өздерінің тарапынан жіберілген SMS тарату мәтінінде қате кеткенін растап отыр деп хабарлайды tobyl-torgai.kz.

Осыған байланысты бүгін SMS таратуды қайта жіберу іске қосылды.

«ҚР Бас санитарлық дәрігерінің қаулысына сәйкес, соңғы 3 ай ішінде тұрақты медициналық қарсы көрсетілімдері бар және COVID-19-бен ауырып жазылған адамдарды қоспағанда, 2021 жылғы 15 шілдеге дейінгі мерзімде бірінші компонентпен, ал 2021 жылғы 15 тамызға дейінгі мерзімде COVID-19 вакцинасының екінші компонентімен профилактикалық егулер жүргізу ұйымдастырылсын. Осыған байланысты, университет әкімшілігі барлық білім алушыға тұрғылықты жері бойынша вакцинациядан өтуді ұсынады және медициналық қарсы көрсетілімдері бар анықтаманы 87774414568 немесе pkkstu@mail.ru. жіберуді сұрайды. Барлық сұрақтар бойынша деканаттарға немесе эдвайзерлерге хабарласуға болады», — делінген хабарламада.

Қостанай облысында және жалпы әлемде коронавирустық инфекцияның таралуының ағымдағы эпидемиологиялық жағдайын назарға ала отырып, университет келесі іс-шараларды өткізді:

1. ППҚ мен қызметкерлер, сондай-ақ, студенттер арасында вакцинация жүргізу бойынша ақпараттық-түсіндіру жұмысының медиа-жоспары жасалып, бекітілді;

2. ППҚ мен қызметкерлер, сондай-ақ, студенттер арасында вакцинация жүргізу бойынша түсіндіру жұмыстары жүргізілді;

3. Covid-19 ауруына шалдыққан университет қызметкерлері мен ППҚ қатарына 825 706 теңге материалдық көмек көрсетілді;

4. Университет Ashyq жүйесін енгізді, онда оқу корпустары мен жатақханаларда QR-кодтар қамтамасыз етілді, осыған байланысты университет вакцинациядан өту бойынша білім алушыларға SMS-хабарламалар жіберді.

«Қостанай облысы әкімдігінен вакцинацияға қатысты қандай да бір нұсқаулар болмағанын қосымша хабарлаймыз», — делінген ақпаратта.

Еске сала кетсек, бұған дейін ЖОО тарапынан егер студенттер 15 тамызға дейін вакцина алмаса, онда сабаққа кіргізілмейтіні туралы ақпарат тараған еді. Бұл студенттердің наразылығын тудырған.

фото: ашық дереккөз

скриншот: Тимур Гафуров 

Мынаны да қараңыз

Қостанай облысындағы Ресеймен шектесетін аумақтарда шегіртке үйіріне мониторинг күшейтіледі

Бұл туралы вице-премьер Серік Жұманғариннің төрағалығымен өткен шегірткеге қарсы күрес жөніндегі орталық жедел штаб отырысында ...

Пікір қалдыру

Сіздің e-mail жарияланбайды. Толтырылуы міндетті *