Тобыл-Торғай tobyl-torgai.kz
Қостанай облысында педагогтардың 100%-ы вакцина алады деп хабарлайды tobyl-torgai.kz.
Облыстық Білім басқармасы баспасөз қызметінің мәліметіне қарағанда, тамызда ұстаздар еңбек демалыстарынан жұмысқа оралады.
Қазіргі кезде облыс педагогтарының 90%-ы вакцина алған. Процесс жалғасуда, тамызда мұғалімдер еңбек демалысынан шығып, жұмысқа оралады. Олардың арасында жол жүргендер вакцина салдырған. Жаңа оқу жылының басына дейін, бөлек қарастырылатын жағдайларды қоспағанда, педагогтардың 100%-ы вакцина алады деп жоспарлап отырмыз, — деп мәлімдеді ведомство.
Өңірде вакцинаның бірінші компонентін 245 мың адам немесе халықтың 48,7%-ы салдырған. Екінші компонентті салдырғандар үлесі – 33%.
Еске сала кетсек, Қостанай облысында 1 тамыз бен 1 қазан аралығында вакцинаның бірінші компонентін алғандар арасында автокөлік ойнатылатыны хабарланған еді.
фото: inform.kz
