Таспа

Қостанайдағы қару-жарақ дүкенінің жарылу себебі белгілі болды

Бас прокуратура биыл 3 қыркүйекте Қостанай қаласында болған «Оружейная палата» дүкеніндегі жарылыс және өрт фактісін тергеп-тексеруді жалғастырып жатыр, деп хабарлайды tobyl-torgai.kz.

Өрт салдарынан 11 адам зардап шекті. Оның 4-еуі қайтыс болды. Олардың барлығы дүкеннің жұмыскерлері еді. Жарылыстан көршілес орналасқан коммерциялық нысандар мен тұрғын үйлер де зақымданды. Тергеу анықтағандай, дүкеннің басшысы оқ-дәрі өткізуге рұқсаты болғандықтан, оқиға қарсаңында Қарағанды облысынан «Сокол» маркалы 40 килограмм оқ-дәріні кейіннен өлшеп орау және сату үшін сатып алған, — деп жазылған хабарламада.

Оқи отырыңыз: Қостанайдағы қару-жарақ дүкенінде болған жарылыстың ВИДЕОСЫ тарады

Бұл оқ-дәрі Қостанай қаласына ауа температурасы 36 градус ыстық болған кезде қауіпті жүктерді тасымалдау ережелерін бұза отырып тасымалданған және жарылыс орын алған дүкеннің жертөле бөлмесіне сақтауға қойылған.

Сарапшылар жарылыстың себебі оқ-дәрінің тұтануы болды, бұл қирауға және өрттің тұтануына әкеп соқты деген қорытындыға келді.

Қазіргі уақытта тергеу кінәлі адамдардың жауаптылық дәрежесін анықтап жатыр.

 

Фото: Alau.kz

 

Мынаны да қараңыз

Мұхамбетов қала, аудан әкімдерімен және ауыл шаруашылығы тауар өндірушілерімен кеңес өткізді

Күн тәртібінде үш мәселе қаралды, деп хабарлайды tobyl-torgai.kz облыс әкімінің баспасөз қызметіне сілтеме жасап. 2022 ...