Тобыл-Торғай tobyl-torgai.kz
Қостанайда алтын бұйымдар үшін қарт әжейді пышақтап өлтірген әйел 17 жылға сотталды, деп хабрлайды tobyl-torgai.kz.
Сот талқылауы барысында белгіленген мән-жайларды ескере отырып, сот сотталушы Е-ге қылмыстық-атқару жүйесінің орташа қауіпсіздік мекемесінде жазасын өтей отырып, 17 жыл бас бостандығынан айыру түрінде жаза тағайындады.
Сонымен қатар, жәбірленуші тараптың пайдасына 10 000 000 тенге көлемінде моральдық зиян және 2 598 287 тенге материалдық залал өндірілді, — делінген Қостанай облыстық сотының ресми хабарламасында.
Үкім заңды күшіне енген жоқ.
Естеріңізде болса, 2022 жылдың 1 қыркүйегінде сотталушы Е. дүкенде Қостанай қаласының 75- жастағы тұрғыны Ж. Таққан алтын бұйымдарды (тізбек, білезік және сақиналар) көріп, жәбірленушінің тұрғылықты жеріне дейін артынан аңдып барған.
Ол әжейге үйдің кіреберісінде шабуыл жасап, оған 15 рет пышақ жарақатын салған. Содан кейін мойнынан алтын тізбекті жұлып алып, оқиға орнынан қашып кеткен. Ал 75 жастағы қарт әжей сол жерде көз жұмған еді.
Фото: ашық дереккөз
