Қостанай су басу қаупі жоғары өңірлердің қатарына кірді

«Қазгидромет» РМК гидрологиялық болжамына сәйкес, наурыз айында еліміздің он өңірін су басу қаупі жоғары, деп хабарлады tobyl-torgai.kz.

Мамандардың сөзінше, тәуекелдері жоғары өңірлер – Қарағанды, Ақмола, Солтүстік Қазақстан, Қостанай, Ақтөбе, Батыс Қазақстан, Шығыс Қазақстан, Абай, Алматы және Жетісу облыстары.

«Қазгидромет» тау өзендерінің жағдайын ерекше назарға алып отыр.

Ақпан айында температураның жоғарылауы және қатты жаңбыр жауған жағдайда, Қазақстанның оңтүстігі, оңтүстік-шығысы мен шығысындағы таулы өзендерде жоғары еріген-жаңбырлы су тасқыны өтуі мүмкін. Наурыз, сәуір айларында метеостанциялардағы көпжылдық бақылауларға сәйкес тәулігіне бір айлық жауын-шашын мөлшері түсуі мүмкін, бұл қауіпті табиғи гидрометеорологиялық құбылыстардың пайда болуына алып келуі мүмкін, – дейді мамандар.

Жалпы, наурызда елдің басым бөлігінде негізінен жылы және жаңбырлы болады деп күтілуде.

Фото: jasqazaq.kz

Мынаны да қараңыз

Азаматтардың құқығы бәрінен биік тұруы керек

«Әділдік және өркендеу» қоғамдық қорының жергілікті өкілдері Қостанай облыстық ардагерлер кеңесі басшылығымен кездесті. Кеңес төрағасы ...