Қостанайда 22 жастағы спортшы Аян Моладағалиев қайтыс болды

Бүгін Қостанайда 22 жастағы спортшы Аян Моладағалиевті жерлестері ақтық сапарға шығарып салды, деп хабарлайды tobyl-torgai.kz.

Қаралы хабарды Қостанай облысы Дене шынықтыру және спорт басқармасы жеткізді.

Аян спорт гимнастикасындағы жолын 2007 жылы бастаған. Талай жарыстарға қатысып, Қазақстанның бірнеше дүркін чемпионы атанды. Халықаралық турнирлерде де жеңіске жетіп, жоғары кәсіби деңгейін дәлелдеді.

2018 жылы Аян Индонезияда өткен жастар арасындағы Азия чемпионатында қола жүлдегер атанды. Сондай-ақ 2018 жылы Аргентинада өткен жасөспірімдер арасындағы Олимпиада ойындарына қатысты.

Оның осы беделді іс-шараларға қатысуы –  тамаша спорттық шеберлігі мен гимнастикаға берілгенінің айғағы. Аян Қазақстан ұлттық құрамасының да мүшесі болды. Оның таланты, еңбекқорлығы мен спортқа деген адалдығы Қазақстанның көркем гимнастика тарихында өшпес із қалдырады. Оның есімі және жетістіктері оны көрнекті спортшы және спортқа берілгендіктің үлгісі ретінде білетін және құрметтейтіндердің жүрегінде мәңгі сақталсын. Аянның отбасына, достарына және барша жанкүйерлеріне қайғырып көңіл айтамыз, –  делінген басқарма таратқан хабарламада.

Фото: olympic.kz

Мынаны да қараңыз

«Әділдік және өркендеу» қоғамдық қорының Қостанай облысы бойынша өкілдері халықпен жүздесті

«Әділдік және өркендеу» қоғамдық қорының Қостанай облысы бойынша өкілдігі қор жұмысын насихаттау, өз жақтастарына түсіндіру ...