Тобыл-Торғай tobyl-torgai.kz
Биыл Қостанай облысында денсаулық сақтау және білім беру нысандарының интернетке қолжетімділігін қамтамасыз ету үшін 432,5 млн теңге бөлінген. Нәтижесінде қалалық және ауылдық мектептердің 85 проценті, сондай-ақ, медициналық мекемелердің 93 пайызы интернет желісіне қосылатын болады деп хабарлайды tobyl-torgai.kz тілшісі.
Сондай-ақ аймақтың білім беру ұйымдарын мультимедиялық және компьютерлік техникамен жабдықтау бойынша жоспарлы жұмыстар жүргізіліп жатыр.
Облыс әкімдігі баспасөз қызметінің мәліметінше, заманауи жабдықтармен және озық технологиялармен жабдықталған «Озат» ақпараттық технологиялардың мамандандырылған мектеп-лицей-интернаты ашылды. IT мектепте сапалы білім беру қызметтерінің кең спектрі, нақты ғылымдар мен ақпараттық технологияларды тереңдетіп оқыту, бағдарламалау дағдыларын дамыту, IT-технологияларды қолдану мәдениетін тәрбиелеу ұсынылады. Мектептің оқу корпусында робототехника, 3D модельдеу, киберспорт кабинеттері қарастырылған.
Айта кетейік, облыстың барлық медициналық ұйымында да медициналық ақпараттық жүйе енгізілген.
Тобыл-Торғай-ақпарат
