157 мемлекеттің ішінде 10-орынды иелендік

Қазақстан адами капиталды дамыту индексінде 31-орынды, оның ішінде білім беруді дамыту индексі бойынша 157 мемлекеттің ішінде 10-орынды иеленеді. Бұл туралы Орталық коммуникациялар қызметінің баспасөз мәслихатында Дүниежүзілік банктің білім беру тәжірибесі бойынша басшысы Harry Patrinos айтты деп хабарлайды tobyl-torgai.kz тілшісі BAQ.kz-ке сілтеме жасап. 

«Бірқатар елде төмен нәтиже екенін көріп отырмыз. Бүгінгі таңда Сингапур адам капиталын дамыту және білім беруді дамыту бойынша ең жақсы нәтижелерді көрсетуде. Қазақстан оқыту бойынша 10-орында. Бұл — Қазақстан үшін өте жақсы көрсеткіш. Жалпы, адами капиталды дамыту индексінде бағын сынаған 157 елдің ішінен Қазақстан 31-орынды иеленді. Біз 2012-2017 жылдар аралығындағы кезеңде Қазақстан білім беру саласында әртүрлі сынақтарға қатысу барысындағы өзгерістер динамикасын көріп отырмыз. Біз Еуропа мен Орталық Азия мемлекеттерімен салыстырып, жақсы нәтиже болып жатқанын аңғарудамыз», — дейді ол.

ҚР Білім және ғылым министрлігі Бүкіләлемдік банкпен бірігіп орта білім беру жүйесіндегі сапаны жақсарту мен теңдікті қамтамасыз етуге бағытталған «Орта білім беруді модернизациялау» жобасын ресми түрде іске қосты.

Harry Patrinos серіктестерді білім беру әлеуметтік жобасының басталуымен құттықтап, бұл жоба Қазақстанда өз мақсатына жететініне сенімді екенін айтты.

tobyl-torgai.kz

 

Мынаны да қараңыз

Қанат Құлшыманов жаңа қызметке тағайындалды

Қанат Құлшыманов ҚР Президенті Әкімшілігінің Коммуникациялар бөлімі меңгерушісінің орынбасары болып тағайындалды, деп хабарлайды tobyl-torgai.kz. Ол ...