Қостанай облысында көліктер қар құрсауында қалып қойған

Қостанай облысында тәулік ішінде 20 көлік қар құрсауынан шығарылды. Бұл туралы облыстық ТЖД баспасөз қызметі хабарлады.

«Арқалық — Жезқазған тасжолында көмір тиелген КамАЗ көлігі тұрып қалған. Құтқарушылар көлік жүргізушісімен профилактикалық іс-шаралар жүргізді. Алайда, ол эвакуациялаудан бас тартқан. 5 наурызда Арқалық қаласы ТЖБ бастығы КамАЗ жүргізушісінің жұбайымен бірге оқиға орнына барған. Олар азық-түлік және жанар-жағармай алып келді. Мұнан соң КамАЗ көлігі арнайы техникалардың көмегімен Арқалық қаласына жеткізілді»,- делінген хабарламада.

Солтүстік өңірлік аэромобильді жедел-құтқару жасағы 6 наурыз күні Науырзым ауданының маңында бірнеше көліктің тұрып қалғаны туралы хабар алған. Төтенше жағдай орнына авариялық-құтқару жұмыстарын жүргізу үшін ТРЭКОЛ техникасының 2 бірлігі, КамАЗ және СӨАЖҚЖ 6 құтқарушысы шықты. Қар құрсауынан 19 техника шығарылып, 36 адам қауіпсіз аймаққа көшірілген.

Облыстық ТЖД ауа райының қолайсыздығына байланысты алыс жол жүруден уақытша бас тартуды ұсынады.

 

Мынаны да қараңыз

Қостанайлық студенттер емтиханды қанша теңгеге тапсырады

Қостанайлық студенттер ЖОО-да кездесетін жемқорлық фактілері туралы айтып берді, деп хабарлайды ҚазАқпарат. Мемлекеттік қызмет істері ...

Пікір қалдыру

Сіздің e-mail жарияланбайды. Толтырылуы міндетті *