Тобыл-Торғай tobyl-torgai.kz
Қазақстанның басым бөлігінде 14 қыркүйекте күн ашық болады. Елдің солтүстігінде, шығысында және оңтүстігінде ауа райы құбылмалы болады, кей жерлерде күн күркіреп, жаңбыр жауады. Сондай-ақ кейбір облыстарда тұман түсуі мүмкін. Бұл туралы «Қазгидромет» РМК өкілдері хабарлады.
Түркістан облысының кей жерлерінде шаңды дауыл тұрып, секундына 15-20 метр жылдамдықпен жел соғады. Шығыс Қазақстан облысында кей жерлерде бұршақ жаууы мүмкін, күндіз желдің жылдамдығы секундына 15-20 метр болады. Күндіз Қызылорда облысының кей жерлерінде 15-20 метр секундына жел соғады.
Ақмола, Алматы, Қостанай, Солтүстік Қазақстан, Павлодар және Қарағанды облыстарында түнде және таңертең тұман түседі. Түркістан, Қызылорда, Жамбыл, Қарағанды, сондай-ақ Ақтөбе, Батыс Қазақстан облыстарының оңтүстігінде, Атырау және Алматы облыстарының батысында төтенше өрт қаупі сақталады.
