WhatsApp топтық чаттарға жаңа функция енгізді

iOS және Android жүйесіндегі WhatsApp мессенджерінің соңғы бета-нұсқасында өздігінен жойылатын функция пайда болды деп хабарлайды WABetaInfo. 

Жаңа функция тек топтық чаттарға арналған. Онда хабарламаны белгілі бір уақыт ішінде көрсетуге болады. Яғни сіз белгілеген уақыттан (сағат, күн, апта, жыл) соң, хабарлама өздігінен өшіп кетеді. Осылайша, хабарлама жойылып, телефоныңыздың жады біршама жеңілдей түседі.

Автоматты тазалауды группаның баптауларында қосуа аласыз. Бұл мүмкіндікті топ әкімшісі ғана қолдана алады, топ мүшелері үшін бұл қолжетімсіз.