Жалған ақпарат: Тобыл қаласындағы аурухана жабылған жоқ

Облыстық денсаулық сақтау басқармасының баспасөз қызметі Тобыл қаласындағы аурухананың жабылуы туралы ақпаратты теріске шығарды деп хабарлайды ҚазАқпарат.

Әлеуметтік желілерде Тобыл қаласындағы (бұрынғы Затобол – автор) орталық аурухананың коронавирусқа байланысты уақытша жабылғаны туралы бейнежазба тараған. Алайда ресми орган мұны жоққа шығарды.

«Біздің облыста коронавирус жағдайы тіркелген жоқ. Орталық аурухана жоспарлы түрде жұмыс істеп тұр. Жалған ақпарат таратқандар ҚР ҚК 274-бабы бойынша жауап береді» делінген облыстық Денсаулық сақтау басқармасының баспасөз қызметі таратқан ақпаратта.

Қазіргі уақытта әлеуметтік желіде жарияланған видео бойынша облыстық Полиция департаменті зерттеу жұмысын жүргізіп жатыр. Тексеру нәтижесінде бұл Қостанай өңірінің ауруханасы емес екені анықталды.

Тобыл қаласы орталық ауруханасының бас дәрігері Сырлыбек Мещанов жалған ақпарат таратқандарды анықтау үшін полицияға жүгінді.

Мынаны да қараңыз

Қостанай облысына оңтүстік өңірден мыңға жуық адам көшіп келді

Қостанай облыстық мәслихатының кезекті сессиясында «Еңбек» нәтижелі жұмыспен қамту және жаппай кәсіпкерлікті дамыту бағдарламасының жүзеге ...