Архимед Мұхамбетов Мемлекеттік рәміздер күнімен құттықтады

Қостанай облысының әкімі Архимед Мұхамбетов әлеуметтік желідегі парақшасында тұрғындарды 4 маусым — Мемлекеттік рәміздер күнімен құттықтады деп хабарлайды tobyl-torgai.kz. 

«Құрметті қостанайлықтар!

Сіздерді Қазақстан Республикасының Мемлекеттік рәміздер күнімен шын жүректен құттықтаймын.
1992 жылдың 4 маусымында алғаш рет еліміздің жаңа Мемлекеттік рәміздері бекітілді. Оларды құрметтеу — әрбір азаматтың қасиетті парызы және міндеті.
Биыл біз ұлттық мереке — Тәуелсіздік күнінің, «Қазақстан Республикасы» деп аталатын егемен мемлекеттің құрылуының 30 жылдығын атап өтеміз. Мемлекеттік рәміздер — еліміздің бірегейлігі мен тәуелсіздігін бейнелейтін ажырамас нышандардың бірі.  Мемлекеттік рәміздер бізді Отан тағдырындағы ең маңызды сәттерде — ұлттық мерекелерден бастап спорттық жеңістерге дейін біріктіреді.
Ресми халықаралық іс-шараларда Отанымыздың әнұраны шырқалса немесе көк туымыз көтерілсе, әрбір қазақстандық мақтаныш пен патриотизм сезімін сезінетініне сенімдімін.

Құрметті жерлестер!

Осы мереке күні сіздерге амандық, бақыт, бейбітшілік тілеймін! Біздің Отанымыз — Қазақстан гүлдене берсін, оның тәуелсіздік туы биік болсын!» деп жазды аймақ басшысы.

фото: egemen.kz

Мынаны да қараңыз

«Әділдік және өркендеу» қоғамдық қорының Қостанай облысы бойынша өкілдері халықпен жүздесті

«Әділдік және өркендеу» қоғамдық қорының Қостанай облысы бойынша өкілдігі қор жұмысын насихаттау, өз жақтастарына түсіндіру ...

Пікір қалдыру

Сіздің e-mail жарияланбайды. Толтырылуы міндетті *