Таспа

«Ешкім жауапкершіліктен құтылмайды»: Жангелдин ауданында 27 миллион теңгеден астам қаражат ұрланған

Қостанай облысы Жангелдин ауданында 27 миллион теңгеден астам қаражат ұрланған, деп хабарлады tobyl-torgai.kz. 

Бұл туралы «Әділдік жолы» республикалық қоғамдық бірлестігінің Атқарушы директоры Дидар Смағұлов өзінің facebook-парақшасында жазды.

«Қостанай облысында сумен жабдықтау жүйесін қайта жаңартуға бөлінген 27 миллион теңгеден астам қаражат ұрланды!

Достар, әзілді қоя тұрайық!

600 мың теңгеге салынған ағаш дәретхана тек бастамасы болды!

Сарапшылар Қостанай облысы Жангелдин ауданы Торғай ауылының сумен жабдықтау жүйесін тазарту жабдығы жұмыс істемейтінін, кейбіреулеріне, тіпті, электр қуаты берілмегенін растады.

Сонымен қатар мынандай жағдайлар анықталды:

— қымбат сорғы жетіспейді;

— 2 құдық жоқ;

— кіші диаметрлі құбырлар төселген;

— топыраққа қатысты жұмыстар орындалмады;

— тоған пленкасы экраны сапасыз және нашар параметрлерден жасалған және тағы басқалар!

Біздің айыптауларымыз толығымен расталды!

Жергілікті ішкі мемлекеттік аудит департаменті — кәсіпқойлар. Тексеруге өте мұқият қарады.

Қайта құру аудиті кезінде барлығы 27 222 085 теңге сомасына сәйкессіздіктер анықталды.

Әкімдік ашып көрсеткісі келмесе де, біз бәрін дәлелдедік.

Сонымен қатар су әлі де нормаларға сәйкес келмейді, ешқандай қорытындысыз лай екені көрінеді.

Әкімдік бізді қалай адастыруға тырысса да, тұрғындар сапасыз су ішеді.

Қазір жергілікті Антикорды «ұйқысынан ояту» жұмыстарын бастап жатырмыз, ол туралы Әсет Байлинге алты ай бойы жазғанбыз.

Ешкім жауапкершіліктен құтылмайды», — деп жазды Дидар Смағұлов.

Мынаны да қараңыз

«Септиктер қарастырылмаған»: Әулиекөлде жаңадан салынған үйлерді су басты

Қостанай облысы әкімдігі Әулиекөлдегі өрттен зардап шеккендер алған үйлерді су басып қалу себебін түсіндірді, деп ...