Қостанай облысында болған орман өртіне тракторшы кінәлі болып шықты

Қостанай облысы Әулиекөл ауданында болған алапат орман өртіне 44 жастағы тракторшы Александр Рапейко кінәлі болып шықты, деп жазады tobyl-torgai.kz «Тоболинфоға» сілтеме жасап.

Істі Әулиекөл аудандық соты қараған.

Сот Рапейконың тракторды жоғары қауіп көзі ретінде, ұшқын сөндіргішсіз және ақаулы цилиндрлі-поршеньді тобымен жұмыс істегенін анықтады. Салдарынан көп мөлшерде май шығып, газ шығатын түтікте майлы күйе түзілген.

Кондратьев орман шаруашылығының №22 кварталына апаратын жол құмды және кедір-бұдырлы, бұл ретте далада аптап ыстық болған және екпінді құйынды жел тұрған. Алайда тракторшы табыс тапқысы келіп, ормандардағы өртке қарсы қауіпсіздік ережелерін елемеген, — делінген үкімде.

Оқи отырыңыз: Қостанай облысындағы өртке кінәлі болуы мүмкін бірнеше күдікті анықталды — министр

Қостанай облысындағы орман әдейі өртелген – Юрий Ильин

Тракторшы кінәсін мойындады. Прокурордың рұқсатымен іс жүргізу келісімі жасалды. Оған ешкім зиян келтірген жоқ.

Басаман орман шаруашылығының директоры Асхат Жақашевке қатысты іс әлі де тергеліп жатыр және ол тергеу изоляторында отыр.

Еске салсақ, қыркүйек айының басында Қостанай облысы Әулиекөл ауданында орман алқабы өртенді. Өрт 2 қыркүйекте басталып, 10 қыркүйекке дейін сөндірілді. Қызыл жалын 43 мың гектардан астам аумақты қамтыды. Үш елді мекенде 100-ден астам ғимарат өртенді, олардың көпшілігі – тұрғын үйлер. Құтқарушылар 2 091 адамды эвакуациялады, адам шығыны да болды. Төтенше жағдайға байланысты өңірге жұмыс сапарымен Президент Қасым-Жомарт Тоқаев барды.

Қостанай облысындағы орасан зор табиғи өртке қатысы бар деген күдікпен жергілікті Орман шаруашылығы басшысына қатысты тергеу басталды, ол қамауға алынды.

 

Мынаны да қараңыз

Маркетплейстер контрафактінің таралу орнына айналып барады

Әділет органдарының қызметіндегі бағыттардың бірі – зияткерлік меншік құқығын сақтау мен қорғау саласындағы мемлекеттік саясатты ...