Қостанайда астық қоймасына найзағай түсті

Қостанайдағы астық қоймасын найзағай жарып жіберді, деп хабарлайды tobyl-torgai.kz Төтенше жағдайлар министрлігі Өнеркәсіптік қауіпсіздік комитетіне сілтеме жасап.
Ведомствоның мәліметінше, 2023 жылғы 1 тамызда сағат 21.50 шамасында «Компания САЛАМАТ» ЖШС диірмен кешенінің аумағында құрылыстар құлады.

Алдын ала ақпараттарға сәйкес құрылыстарға найзағай тиген. Бұл жағдай авария ретінде тіркелді, — деп мәлім етті ТЖМ ӨҚК Қостанай облысы бойынша департаменті.

Зардап шеккендер жоқ.

Оқиға орнында ҚР Төтенше жағдайлар министрлігі өнеркәсіптік қауіпсіздік комитетінің Қостанай облысы бойынша департаментінің қызметкерлері жұмыс істеп жатыр.

Барлық қатысы бар адамдар анықталғаннан кейін департамент жанынан аварияны тергеу жөніндегі комиссия құрылады. Тергеу қорытындысы қосымша хабарланады, – делінген хабарламада.

Фото: gov.kz

Мынаны да қараңыз

Қостанай облысында металл қабылдау пунктіне қарақшылық жасаған күдікті ұсталды (ВИДЕО)

Қостанай облысында полиция қарақшылық жасаған күдіктіні ұстады, деп хабарлайды tobyl-torgai.kz. 24 ақпанда күндіз күдікті Қостанай ...