Ұрылар жалдамалы пәтерлерде жасырынады

ІІМ 2016 жылы жалдамалы пәтерлерде тұрып, мүлікті тонаумен айналысқан басқа қалалық «гастролер-ұрыларды» ұстау мақсатында өткізілген жедел-іздестіру және арнайы іс-шараларға сараптама жасады. Бұл туралы ведомствоның баспасөз қызметі хабарлады.

2016 жылы республикадағы полиция қызметкерлері жалдамалы пәтерлер мен қонақ үйлерде тұрып, мүлікті қолды етуге қатысты 830 қылмыс жасаған 497 «гастролер-ұрыны» ұстады. Ақмола облысының 54 жастағы тұрғынының Астанада тұрып, 5 қарашадан 7 желтоқсанға дейін 6 рет ұрлық жасағаны дәлелденді. 37 жасар Шығыс Қазақстан облысының тұрғыны 20 қыркүйектен 25 қараша аралығында Астана қаласының Абылай хан даңғылында пәтер жалдап, 5 рет біреудің мүлкін қолды еткені үшін тұтқындалды. Қазіргі таңда тергеу жұмыстары жүргізілуде.

inform.kz

 

 

Мынаны да қараңыз

Азаматтардың құқығы бәрінен биік тұруы керек

«Әділдік және өркендеу» қоғамдық қорының жергілікті өкілдері Қостанай облыстық ардагерлер кеңесі басшылығымен кездесті. Кеңес төрағасы ...

Пікір қалдыру

Сіздің e-mail жарияланбайды. Толтырылуы міндетті *