Тобыл-Торғай tobyl-torgai.kz
Қостанайда үш ер адам қала орталығында орналасқан дүкенге баса-көктеп кіріп, кассадағы ақшаны жымқырып кетті деп хабарлайды tobyl-torgai.kz тілшісі «Наша газета» басылымына сілтеме жасап.
Оқиға бүгін түнде — 28 ақпанда болған. Видеодағы кадрлардан дүкенге үш ер адамның кіріп, ондағы қызметкер мен күзетшіні еденге жатқызып жатқаны көрінеді. Олардың екеуі күзетшіні ұстап тұрған, ал үшіншісі қыздан кассаны ашып, ақшаларды беруін талап еткен. Басылымның мәліметінше, ақшаны алып кеткен ер адамдар оқиға орнынан бой тасалап кеткен. Ал бүгін полиция қызметкерлері дүкен орналасқан үйдегі пәтерлерді тексеріп, видеожазбаны тұрғындарға көрсетіп шықты.
Тобыл-Торғай-ақпарат
