Қостанай облысында жезөкшелікпен айналысқан 15 бойжеткен ұсталды

Қостанайлық тәртіп сақшылары облыс орталығы мен Рудный қаласында жезөкшелікке тарту деректерін анықтады. Бұл туралы облыстық Полиция департаментінің баспасөз қызметі хабарлады.

Қостанай облыстық ПД Ұйымдасқан қылмысқа қарсы күрес басқармасының қызметкерлері облыс орталығы мен Рудный қаласында заңсыз іс-әрекет жүргізіп отырған тай массажы салондарының қызметін тоқтатты.

«Полиция қызметкерлерінің жедел-іздестіру іс-шарасы барысында Қостанай қаласының 30 жастағы және 35 жастағы тұрғындары ұсталды. Тәртіп сақшылары бұл салондарда тай массажымен қатар, ақшалай сыйақы үшін жыныстық сипаттағы қызметтер көрсетілгенін анықтады. Сонымен қатар интим қызмет көрсетіп келген 15 қыз тексеруге алынды» деп мәлімдеді Полиция департаментінен.

Қазіргі уақытта осы факті бойынша ҚР ҚК 309-бабының 2-бөлігімен («Жезөкшелікпен айналысу үшін притондар ұйымдастыру немесе ұстау және жеңгетайлық») сотқа дейінгі тергеу жүріп жатыр. Күдіктілер үш жылдан жеті жылға дейінгі мерзімге бас бостандықтарынан айырылулары мүмкін.

Тобыл-Торғай-ақпарат

 

 

Мынаны да қараңыз

Арқалықта өзіне-өзі қол салмақ болған ер адам құтқарылды

Учаскелік полиция инспекторы Арқалық қаласында өзіне-өзі қол салмақ болған ер адамды құтқарды. Оның зайыбы А.Әлмағамбетова ...