Рудныйдағы Мүгедек және жетім балалар үйіндегі сұмдық жағдай (видео)

Nur Otan партиясының өкілдерін шошытты

Аты-жөнінің орнына нөмір, бірнеше күн бойы өз құсығына ұйықтап жатқан балалар… Мүмкіндігі шектеулі және ата-ана қамқорынсыз қалған бүлдіршіндер үйін тексерген комиссия жаға ұстап отыр деп хабарлады Астана телеарнасы.

 Қостанай облысының Рудный қаласындағы Мүгедек және жетім балалар үйінде физиологиялық әрі психологиялық ауытқуы бар балалар жағдайы жантүршігерлік. Балалардың қараусыз келгені былай тұрсын, оларды атымен де атамаған. Бұл фактілерді Nur Otan партиясы жанындағы республикалық балалар құқығын қорғауды сараптау тобы анықтады.

«А вы гулять выводите?» — деген сұраққа «Нет. Эти дети не гуляют», деп жауап берді мекеме қызметкерлері. Ал «Почему?»деген сауалға бұл мекеменің бір де бір маманы мардымды жауап қайтармады.

 Қостанай облысы Рудный қаласындағы Жетімдер үйіне ескертусіз келген комиссия мүшелері талай заң бұзушылықты анықтаған. Ерекше балаларға көрсетіліп жатқан жауыздық жантүршігерлік. Бірнеше күн бойы өз нәжісі мен құсығында жатқан бүлдіршіндерді қызметкерлер атымен емес, нөмірмен атап келген.

«Ұзақ қозғалыссыз жатып қалған бір мүгедек баланың терісі ойылып қалған. Біздің көзімізше бүлдіршіндерді олар аты-жөнімен емес, нөмірмен атап жүрді. Бұл сұмдықтың барлығы балаларға деген қарым-қатынастың жауыз түрі. Олар өздерін қорғай алмайды, кей баланың психологиялық ауытқуы бар», — деді Nur Otan партиясы жанындағы Балалар құқықтарын қорғау кеңесі төрағасының орынбасары Динара Зәкиева.

Елде денсаулығында ақауы бар 4 жасқа дейінгі бөбектердің 1,5 мыңнан астамы жыл сайын Жетімдер үйіне жіберіледі. Рудныйдағы мұндай мекемеде мүгедек балаларға арнайы күтім түгілі, оларды оңалтумен айналысатын мамандар жоқ. Мүлде болмаған да.

«Мүгедек баланы оңалтумен айналысатын дәрігер мәселесі шешімін таппай келеді. Арнайы топтарда әртүрлі диагноздармен, жүйке жүйесінің нашарлауымен жатқан балақайлар көп. Оларға арнайы ем-дом керек. Оны жасайтын маман қажет. Балалардың 30%-ына шұғыл түрде әртүрлі деңгейде ем қажет. Мұның барлығын біле тұра мекеменің басшылары еш әрекетсіз отырады», — деп атап өтті Динара Зәкиева.   

Nur Otan партиясы жанындағы Балалар құқықтарын қорғау кеңесі былығы ашылған мекемелер жұмысын назарда ұстамақ.

Ал Рудныйда азап көріп келген балалар енді Қостанай қаласына ауыстырылатын болды. Ол үшін облыс әкімдігі арнайы ғимарат бөлуді тапсырды.

Мынаны да қараңыз

Шмидт мырза неден шошыды?

5 наурыз күні tobyl-torgai.kz сайты Арқалыққа қарасты Ашутасты елді мекеніне бір аш шибөрі кіріп кетіп, ...

Пікір қалдыру

Сіздің e-mail жарияланбайды. Толтырылуы міндетті *