Тобыл-Торғай tobyl-torgai.kz
Қостанай облысында тәртіптік жауапкершілікке тартылған мемлекеттік қызметкерлердің көбі басшылық лауазымдарды атқарады, деп хабарлады tobyl-torgai.kz, ҚазАқпаратқа сілтеме жасап.
Бұл туралы брифингте Мемлекеттік қызмет істері агенттігінің Қостанай облысы бойынша департаментінің басшысы, Әдеп жөніндегі кеңестің төрағасы Асхат Ескендіров айтты.
2020 жылы мемлекеттік қызметшілердің 50 пайызға жуығы тәртіптік теріс қылық жасағаны үшін жауапқа тартылды. Олардың дені ескерту алса, тағы бірнеше қызметкерге қатаң сөгіс беріліп, жұмысынан босатылды.
Асхат Ескендіровтің айтуынша, мемлекеттік қызметшілердің Этикалық кодексіне сәйкес, лауазымды тұлғалар өздерінің қарамағындағы жұмыскерлер үшін үлгі болуы керек. Алайда жұмыс тәжірибесі басқаны көрсетіп отыр.
фото: ашық дереккөз
