Тобыл-Торғай tobyl-torgai.kz
Қостанай облысы Рудный қаласы әкімдігіндегі тұрғын үй инспекциясы бөлімі біреуі 727 теңге тұратын қалам сатып алмақ болған, деп хабарлайды tobyl-torgai.kz kstnews.kz-ке сілтеме жасап.
Роллер қаламсаптар жазуға өте ыңғайлы. Бірақ бұл қарапайым шарикті қаламсаптан он есе қымбат.
Рудный қаласы тұрғын үй инспекциясы бөлімінің басшысы Мейірбек Смағұлов журналист сұрағына жауап берген жоқ. Ол кәдімгі шарикті қаламсапты сатып алуға не кедергі болғанын айта алмады. Шенеуніктің айтуынша, техникалық қате кеткен.
Кейін бөлім басшысы роллер қаламсаптарға арналған конкурстың өтпейтінін мәлімдеді. Олар бір қорап шарикті қаламсапқа тапсырыс бермекші. Қаламсаптың бір қорабы шамамен бір жылға жетеді.
