Тобыл-Торғай tobyl-torgai.kz
Бүгін сағат 11:00-де Қостанайдағы Жастар сарайының конференц-залында «Рухани жаңғыру» бағдарламасының 5 жылдығына арналған дөңгелек үстел өтеді, деп хабарлайды tobyl-torgai.kz.
Дөңгелек үстел жұмысына сарапшылар кеңесінің мүшелері, жоғары оқу орындарының белсенділері, оқытушылар, Жастар ресурстық орталығының қызметкерлері, мұражайлар, Мәдениет және Білім басқармаларының өкілдері және т.б. қатысатын болады.
Іс-шараны «Қостанай облысы әкімдігінің қоғамдық даму басқармасы» ММ басшысы Марат Жұрқабаев ашады.
Философия ғылымдарының докторы, А. Байтұрсынов атындағы ҚӨУ профессоры – Сафар Қолдыбаев, «Sanaly urpaq – 2050» ҚҚ төрағасы Нұрбек Әбдібеков, А. Байтұрсынов атындағы ҚӨУ профессоры, филология ғылымдарының докторы Кенжегүл Есіркепова, Қостанай облыстық Ыбырай Алтынсарин мемориалдық музейінің басшысы Марғұлан Оспанов, Қостанай облысы әкімдігі Мәдениет басқармасы «Тарихи-мәдени мұраны зерттеу, қалпына келтіру және қорғау орталығы» КММ басшысы Бекболат Уәлиев және М. Горький атындағы мектеп-гимназиясының информатика пәнінің мұғалімі Андрей Лисовский спикерлер ретінде сөз сөйлейді, — делінген хабарламада.
Іс-шара «Қостанай облысында «Рухани жаңғыру» бағдарламасын іске асыруға бағытталған іс-шараларды ұйымдастыру» жобасы аясында «Қостанай облысы әкімдігінің Қоғамдық даму басқармасы» ММ мемлекеттік әлеуметтік тапсырысы бойынша ұлттық бірегейлікті сақтауға бағытталған «Шежіре ғұмыр» танымдық іс-шаралар циклі шеңберінде ұйымдастырылып жатыр.
фото: ашық дереккөз
