Астана-Жітіқара пойызы іске қосылады

Биылғы 3 қыркүйектен бастап Астанадан Жітіқара қаласына пойыз қатынайтын болды, деп хабарлайды tobyl-torgai.kz.

Ақпаратты «Қазақстан темір жолы» ҰК» АҚ баспасөз қызметі таратты.

3 қыркүйектен бастап «Жолаушылар тасымалы» АҚ «Астана – Жітіқара» жаңа теміржол жолаушылар қатынасын іске қосады, — делінген хабарламада.

«Астана – Жітіқара» бағытындағы вагондар 104 орынға есептелген.

Пойыз күнара қатынайтын болады. «Нұрлы жол» вокзалынан тақ күндері сағат 19:40-та жөнелтіліп, «Жітіқара»  станциясына жұп күндері сағат 15:56-да келеді. Жітіқарадан сағат 18:14-те жұп күндері кері қайтып, тақ күндері елордаға сағат 12:46-да келеді, — деп жазылған хабарламада.

Пойыз маршруты Көкшетау және Қостанай арқылы өтетін болады.

Фото: ашық дереккөз

Мынаны да қараңыз

Маркетплейстер контрафактінің таралу орнына айналып барады

Әділет органдарының қызметіндегі бағыттардың бірі – зияткерлік меншік құқығын сақтау мен қорғау саласындағы мемлекеттік саясатты ...