Тобыл-Торғай tobyl-torgai.kz
Жиналыс барысында бюджет қаражатын игеру және бөлу жолдары қарастырылады
Жиналыс барысында қаражатты бөлу, оқу-тәрбие процесін ұйымдастыру және тамақтандыру мәселелері бойынша жұмыстың атқарылуы жөнінде есеп беріледі. Бұл туралы Астана қаласы әкімдігінің ресми сайты хабарлады.Қалалық білім беру ұйымдарында, оның ішінде балабақшалар, мектептер мен колледждерде оқу жылының бірінші жарты жылдығының қорытындысы бойынша ата-аналар жиналыстарын өткізу басталды.
«Жиналыс барысында білім беру ұйымдарының басшылары тарапынан бюджет қаражатын игеру және бөлу туралы есебі баяндалып, оқу-тәрбие жұмысының және тамақтануды ұйымдастыру мәселелері талқыланады, сондай-ақ, Қамқоршылық кеңесінің құрамы бекітіледі» деп мәлімдеді Білім басқармасы өкілдері.
Осыған байланысты ведомство ата-аналарды жиналысқа қатысып, өзін қызықтырған сұрақтарын қойып, белсенділік танытуға шақырады.
Тобыл-Торғай-ақпарат
