Әлия Шалабекова вице-министр болып тағайындалды

Әлия Шалабекова Экология, геология және табиғи ресурстар вице-министрі болып тағайындалды деп хабарлайды tobyl-torgai.kz, primeminister.kz-ке сілтеме жасап.

«Үкіметтің қаулысымен Әлия Лазаревна Шалабекова Қазақстан Республикасының экология, геология және табиғи ресурстар вице-министрі қызметіне тағайындалды», — делінген хабарламада.

Әлия Шалабекова 1976 жылы Қостанай облысында туған. Қазақ мемлекеттік заң университетін, Қазақстан Президенті жанындағы Мемлекеттік басқару академиясын, Колумбия университетін бітірген.

Еңбек жолын 1998 жылы Әділет министрлігі Қаржылық және ресурстық қамтамасыз ету департаменті қаржы бөлімінің бас маманы қызметінен бастады.

1999-2008 жж. – Әділет министрлігінің құрылымында түрлі қызметтер атқарды.

2008-2012 жж. – Жер ресурстарын басқару агенттігінде басшылық лауазымдарда жұмыс істеді.

2012 жылғы мамыр-шілде аралығында – «Нұр Отан» ХДП Жоғары партия мектебінің сараптау және үйлестіру секторының меңгерушісі.

2014 жылғы маусым-қазан аралығында – Қоршаған ортаны қорғау және су ресурстары министрлігінің Халықаралық ынтымақтастық департаменті директорының м.а.

2014-2019 жж. – Энергетика министрлігінде басшылық қызметтерде болды.

2019-2020 жж. – ЭГТРМ Экологиялық саясат және тұрақты даму департаментінің директоры.

2020 жылғы мамырдан қазіргі уақытқа дейін ЭГТРМ Трансшекаралық өзендер департаментінің директоры болды.

 

фото: дереккөз

Мынаны да қараңыз

Қостанайда жеті жасар қыз бала үйінде өртеніп кетті

Қостанай қаласында алты пәтерлі кірпіш үйден өрт шығып, жеті жасар қыз бала көз жұмды. Ал ...

Пікір қалдыру

Сіздің e-mail жарияланбайды. Толтырылуы міндетті *