Тобыл-Торғай tobyl-torgai.kz
Ғимарат «Самұрық-Қазына»АҚ компаниялар тобының қаржылай қолдауымен іске қосылды, деп хабарлайды tobyl-torgai.kz.
Іс-шараға Қостанай облысының әкімі Қ.Ақсақалов пен Г. Ауғанов, «Самұрық-Қазына»АҚ Корпоративтік басқару, әлеуметтік-еңбек қатынастары және еңбекті қорғау жөніндегі басқарушы директоры қатысты.
Мұнда 1,5 жастан 18 жасқа дейінгі балалардың ата-аналарына да көмек көрсетіледі. Түрлі терапия кабинеттері, сондай-ақ әлеуметтік-тұрмыстық бағдарлау, психолог және дефектолог кабинеттері жұмыс істейді.
Облыста осы орталықты ашу бастамасы қолдау тапты. Қала орталығында жеке тұрған ғимарат таңдалды, оның ауданы 2355 шаршы метрді құрайды және республикадағы ең үлкен орталықтардың бірі болып табылады. Қайта құруды жүргізу үшін облыстық бюджеттен 700 млн теңгеге жуық қаражат бөлінді. Штат білікті мамандармен жасақталды, мекеменің толыққанды жұмыс істеуіне қаражат бөлінді, көлік құралдары сатып алынды.
Бұл мекеме балаларға әлеуметтенуге, өздерінің ерекше қабілеттері мен таланттарын дамытуға, білікті көмек алуға мүмкіндік береді. Сонымен қатар, балаларға ғана емес, олардың ата-аналарына да балаларды дамыту мен тәрбиелеудің әртүрлі мәселелері бойынша қызметтер көрсетілетінін атап өткен жөн.
50 бала орталыққа барып, арнайы әлеуметтік қызметтер ала бастады. Жаңа орталықта оқыту бағдарламалары, әртүрлі терапия және оңалту әдістері бар.
Бұған дейін қордың қолдауымен Рудныйда нейро-ортопедиялық бұзылыстары бар балаларға арналған оңалту орталығы ашылды, оған жыл сайын 600 ерекше бала барады. Бұл орталықтар ерекше баланы тәрбиелеп отырған ата-аналар үшін өте маңызды.
Фото: gov.kz
