ҚР ОСК депутат А.Жамаловты тексереді

ҚР Орталық сайлау комиссиясы депутат Аманжан Жамаловты тексереді деп хабарлайды Tengrinews.kz тілшісі.

«2017 жылдың 18 қаңтарында ҚР Орталық сайлау комиссиясында биыл 17 қаңтарда 365info.kz интернет-порталында жарияланған «Успешный» депутат Жамалов может покинуть Парламент Казахстана» мақаласындағы дерек бойынша отырыс өтті» делінген хабарламада.

ҚР ОСК мүшесі М.А.Сәрсембаевтың хабарламасы тыңдалғаны және ҚР Парламенті Мәжілісінің депутаты А.М.Жамаловтың түсінігі тыңдалғаны хабарланып отыр.

ҚР Конституциясының 52-бабының 6-тармағына сәйкес, ҚР ОСК мүшелері М.А.Сәрсембаевақа және Л.Ж.Сүлейменовке тексеріс жүргізу және биыл 24 қаңтарда қорытынды жайында баяндау тапсырылды. ҚР ОСК-нің осы мәселе бойынша қаулысы қабылданған.

Портал материалында Жамаловтың екі ЖШС құрылтайшысы екені және оның Конституциялық заң бойынша бұл үшін мәжілісменнің босатылуы керек екені хабарланған.

«ОСК нақты жауап береді, олар барлығын тексереді, сосын ресми жауап береді» деді тілшілерге А.Жамалов Парламенттің жалпы отырысы аяқталғаннан кейін.

Ал бизнесі жайлы сұраққа ол былай деп жауап берді: «Иесі болуға тыйым салынған ба? Заң бойынша мен өз иелігімдегі сенімгерлік басқарумен, барлық жылжымайтын мүліктерімді өткізуім керек, мен мұны заң бойынша орындадым. Мұны растайтын құжаттар бүгін ОСК-ға беріледі».

Еске салайық, депутаттың ХҚКО-да қайтыс болған адам жайлы «C таким же успехом он мог умереть и дома» деп пікір білдіргені үшін басы дауға қалған болатын. Сосын ол өз пікірін түсіндіріп, артынша кешірім сұраған еді.

 

tengrinews.kz

Мынаны да қараңыз

Азаматтардың құқығы бәрінен биік тұруы керек

«Әділдік және өркендеу» қоғамдық қорының жергілікті өкілдері Қостанай облыстық ардагерлер кеңесі басшылығымен кездесті. Кеңес төрағасы ...

Пікір қалдыру

Сіздің e-mail жарияланбайды. Толтырылуы міндетті *