Қостанай облысында 2,5 айда 130 өрт тіркелген

Жыл басынан бері өңірде 14 адам өрт құрбаны болды, барлығы 130-дан аса өрт оқиғасы тіркелген деп хабарлады tobyl-torgai.kz, облыстық ТЖД-ға сілтеме жасап.

«Облыста жыл басынан бері 135 өрт оқиғасы тіркелген. Алдыңғы жылы осы уақытта 128 өрт тіркелген. Осылайша, өсім 5%-ды көрсетті. Өрт салдарынан 14 адам қаза тапқан, алдыңғы жылы құрбандар саны 11 болған, өсім – 27%», — делінген ведомство таратқан ақпаратта.

Өрт көбіне жеке үй секторында көп шығады. Бұндай 98 оқиға тіркелген. Жылу беру маусымында жеке секторда өрт және газдан улану қатері арта түседі. Өрт қауіпсіздігі ережесінің сақталуына азаматтар аса мән бермейді. Сол себепті көп жағдайда өрт түрлі электр жабдығын және электр желісін пайдалану ережесін сақтамау, электр жылыту құрылғысының ақауынан болады. Сонымен қатар өрт және оның зардаптарын алдын алу үшін құтқарушылар пештерді тексеріп, ақауды жөндеп отыру керек екендігін ескертеді.

«Түтін мұржасы, құдығы өтетін қабырғаларды әктеп отыру керек. Сонымен қоса пеш пен мұржаны күл мен күйеден тазартып отыру маңызды. Мұржа мен пешті жылу беру маусымында тазартып отырған жөн: жылыту пештері үшін 3 айда 1 рет, үздіксіз жанатын пештер мен ошақтар үшін 2 айда 1 рет», — деді ТЖД өкілдері.

 

фото: ашық дереккөз

 

Мынаны да қараңыз

Арқалықта жасөспірім екі қызға оқ жаудырған

Арқалықта пневматикалық мылтықтан екі қыз жарақат алды. Полицейлер оқ атқан күдіктіні анықтады, ол 15 жастағы ...

Пікір қалдыру

Сіздің e-mail жарияланбайды. Толтырылуы міндетті *