Қостанайда тұрғын үйдің кіреберісінен ер адамның мәйіті табылды

Қостанай қаласындағы 8-шағын ауданда орналасқан №11 көпқабатты тұрғын үйдің кіреберісінен ер адамның мәйіті табылды, деп хабарлайды tobyl-torgai.kz.

Облыстық Полиция департаментінің хабарлауынша, полиция сотқа дейінгі тергеуді бастаған. Сараптамалар тағайындалды. Жәбірленушінің жеке басы анықталды. Ол тұрғылықты жері жоқ 51 жастағы ер адам болып шықты.

8-шағын ауданда орналасқан №11 көппәтерлі тұрғын үйдің кіреберісінен ер адамның денесі табылды. 10-қабаттың баспалдағында қоқыс жанып жатқаны туралы хабар келіп түсті. Өрт сөндірушілер тұрғын үйге барып, полицияға 9 бен 10-қабаттың баспалдағында өртенген ер адамның мәйітінің жатқанын хабарлады, –  делінген хабарламада.

Мынаны да қараңыз

Қостанайда балабақша тәрбиешісі сәбиді ұрған

Қостанайдағы балабашалардың бірінде тәрбиеші кішкентай бүлдіршінге қол көтерген. Бұл фактіні Қостанай облыстық Білім басқармасы растады. ...