Тобыл-Торғай tobyl-torgai.kz
Қостанайда облыстық орыс драма театрының әртістері полицейлерге шеберлік сағатын өткізді, деп хабарлайды tobyl-torgai.kz.
Polisia.kz-тің жазуынша, алғашқы таныстыру сабағын театрдың бас режиссері Эдуард Шахов пен актер Руслан Бушинский Қостанай облыстық Полиция департаментінің мәжіліс залында өткізген.
Біз полицейлермен жемісті және ұзақ уақыт жұмыс істеп келеміз. Мәселен, бірнеше жыл бұрын бізде «Қиылыстағы детектив» бірлескен қойылымы болды. Актерлік шеберлікті оқыту – бұл біздің кезекті жобамыз. Ол бірінші кезекте полиция қызметкерлеріне өте пайдалы болады деп үміттенеміз. Бұл кәсіпте қарым-қатынас маңызды. Қазіргі уақытта полиция қызметкерлерінің алдына бұл міндеттер, ең алдымен, қоғам алдына қойылды, – деп атап өтті Қостанай облыстық орыс драма театрының директоры Юрий Ивлев.
Бірінші сабаққа патрульдік қызмет мамандары қатысты. Тәртіп сақшыларының айтуынша, мұндай білім оларға қажет.
Бұл – біз іс жүзінде қолданатын өте қызықты және тағылымы мол шеберлік сағаты. Ең бастысы пайдалы іс болды. Алдағы уақытта дауыс пен интонацияны жақсарту бойынша оқуды жалғастыруды жоспарлап отырмын, – деп бөлісті Қостанай облыстық ПД патрульдік полиция инспекторы Медет Қойшығұлов.
ІІМ жүйесін реформалау аясындағы барлық іс-шаралар халықтың сеніміне қол жеткізуге бағытталғанын атап өту қажет. Осыған байланысты бұл білім тәртіп сақшыларының құзыретін кеңейтеді.
Менің полицейлермен жұмыс тәжірибем бар. Себебі, бұған дейін Ресейдің Уфа қаласында тәртіп сақшылармен осындай шеберлік сағаттарын өткіздім. Біз мұндай сабақтарды басқарушы құраммен де, қарапайым полицейлермен де тұрақты негізде ұйымдастырып тұрамыз. Осы бағытта табысқа жету, құлшынысқа байланысты, – деп атап өтті Эдуард Шахов.
Театр актері Руслан Бушинский полицейлермен бірнеше практикалық сабақ өткізді. Жаттығулар арқылы ол полицейлерге сөйлеу кезінде дұрыс тыныс алуды және актерлер қолданатын басқа әдістерді көрсетті.
Бүгін бізде кіріспе сабақ болды. Біз дұрыс сөйлеуге баса назар аудардық. Себебі полицейлер үшін бұл өте маңызды және өзекті. Өйткені олар халықпен үнемі байланыста болады. Дауысыңызды басқаруды үйрену үшін үш ай бойы аптасына үш рет сабақ өткізу керек, – деді ол.
