Тобыл-Торғай tobyl-torgai.kz
27 шілде күні Токио Олимпиадасында бірнеше отандасымыз жарыс жолына шығады. Олардың арасында жерлесіміз — Қостанай облысы Федоров ауданының тумасы, даңқты боксшы Василий Левит те өнер көрсетеді деп хабарлайды tobyl-torgai.kz, ЭК сайтына сілтеме жасап.
Дзюдодан Олимпиаданың төртінші жарыс күні өтеді. Қазақстан атынан 81 келіде түркістандық Дидар Хамза бақ сынайды. Оның алғашқы қарсыласы — әлем чемпионы Моңғолия атынан қатысатын Саид Моллаеи.
Дзюдо. Ерлер, 81 келі. 1/16 финал 08:00. Дидар Хамза — Саид Моллаеи (Моңғолия)
Дзюдодан ерлер арасындағы 1/16 финал Нұр-Сұлтан уақытымен 08:00-де басталады. Сол секілді дәл осы уақытта таэквондодан Жансель Дениз өзбекстандық Светлана Осиповамен кездеседі.
Ерлерден Руслан Жапаров германиялық Александр Бахманмен келесі кезеңнің жолдамасын сарапқа салады.
Таэквондо. Әйелдер, 67 келі 08:00. Жансель Дениз — Светлана Осипова (Өзбекстан)
Таэквондо. Ерлер, 80 келі 09:45. Руслан Жапаров — Александр Бахманн (Германия).
Теннистен Қазақстан екі спортшымыз бақ сынайды. Қазақстанның бірінші ракеткасы Елена Рыбакина хорватиялық Донна Векичпен жолығады. Қарсыласы бүгін басты фавориттердің бірі саналған беларусь қызы Соболенконы жеңіп кетті. Ал ерлер арасында Михаил Кукушкин беларусь теннисшісі Илья Ивашкомен жолығады.
Теннис. Әйелдер. Жекелей сын, 1/8 финал 11:00. Елена Рыбакина — Донна Векич (Хорватия)
Теннис. Ерлер. Жекелей сын 1/16 финал 09:30. Михаил Кукушкин — Илья Ивашко (Беларусь).
Одан бөлек, садақ атудан ерлер арасында жекелей сында Денис Ганькин өнер көрсетеді. Ал су добынан ерлер құрамасы В тобында Сербиямен кездеседі. Жексенбі күні Қазақстан құрамасы Хорватиядан 7:23 есебімен жеңілген.
Садақ ату. Ерлер, жекелей сын, 1/32 финал 09:00. Денис Ганькин — Юсуф Тольба (Мысыр)
Су добы. Ерлер 11:00. Қазақстан — Сербия.
Боксшылардан ертең тағы екеуі рингке шығады. 69 келідегі Абылайхан Жүсіпов АҚШ боксшы Деланте Джонсонмен ширек финалдың жолдамасын сарапқа салады. Сол секілді, 91 келідегі Василий Левит те Пиреней түбегінен келген Эммануэль Рейеспен кездеседі.
Ал Дмитрий Баландин 2016 жылы Рио Олимпиадасында топ жарған 200 метрге брасс жүзу сайсында іріктеу кезеңін бастайы.
Бокс. Ерлер. 1/8 финал 14:15. 69 келі. Абылайхан Жүсіпов — Деланте Джонсон (АҚШ) 15:51. 91 келі. Василий Левит — Эммануэль Рейес (Испания)
Жүзу. Ерлер. 200 метр. Брасс 16:50. Дмитрий Баландин.
