Облыста 2025 жылға дейін шамамен 2 мың шақырым автожол жөнделеді — Архимед Мұхамбетов

Қостанай облысының әкімі Архимед Мұхамбетов тұрғындарға есеп беру кездесуінде өңірде 2025 жылға дейін шамамен 2 мың шақырым автожол жөнделетінін мәлім етті деп хабарлайды tobyl-torgai.kz тілшісі.

«Биыл Қостанай облысында жол жөндеуге 43,7 млрд теңге бағыттау жоспарланып отыр. Оның ішінде республикалық жолдарға – 6,4 млрд теңге, облыстық маңызы бар жолдарға – 13,9 млрд теңге, аудандық жолдарға және елді мекендердегі көшелерге 23,4 млрд теңге жұмсалады. Бүгінде 2020-2025 жылдарға арналған «Нұрлы жол» жаңа мемлекеттік бағдарламасы бекітілді, онда Мемлекет басшысының облыстық және аудандық маңызы бар, жақсы және қанағаттанарлық жағдайдағы автомобиль жолдарының үлесін 2025 жылға қарай 95%-ке дейін арттыру жөніндегі тапсырмасын орындау негізгі міндет болады. Осыған байланысты жыл сайын жолдарды жөндеуге кемінде 20 млрд теңге бағытталады және осы кезеңде шамамен 2 мың шақырым автожол жөнделеді», — деді облыс басшысы.

Сондай-ақ «Ауыл – ел бесігі» бағдарламасы аясында 2019 жылы облыста 19 көше күрделі жөндеуден өткен. Оған 658 млн теңге бөлінген. Барлық жөндеу жұмысының арқасында облыстық және аудандық маңызы бар жолдар 69%-ға жақсарған.

Әкімнің айтуынша, биыл Амангелді, Әулиекөл, Бейімбет Майлин, Денисов, Жанкелдин, Жітіқара, Қамысты, Қарабалық, Қарасу, Қостанай, Меңдіқара, Науырзым, Сарыкөл, Федоров аудандарында, Арқалық қаласындағы аудандық жолдарды жөндеу жоспарланып отыр.

Мынаны да қараңыз

Азаматтардың құқығы бәрінен биік тұруы керек

«Әділдік және өркендеу» қоғамдық қорының жергілікті өкілдері Қостанай облыстық ардагерлер кеңесі басшылығымен кездесті. Кеңес төрағасы ...

Пікір қалдыру

Сіздің e-mail жарияланбайды. Толтырылуы міндетті *