118 млн теңге: 1 млн-нан астам масканы заңсыз алып өтушілердің жолы кесілді

Қостанайда шекарадан заңсыз медициналық маска алып өтпек болғандар ұсталды. Бұл туралы Ұлттық қауіпсіздік комитетінің баспасөз қызметі хабарлады.

Таяуда, дәлірек айтсақ, 1 мамырда Қостанай облысы бойынша ҰҚК Шекара қызметінің департаменті «Қайрақ» автомобиль пунктінде 1 млн астам медициналық масканы заңсыз алып өтпек болған жүк көлігін тоқтатқан. Тәркіленген маскалардың сомасы шамамен 118 млн теңгені құрап отыр.

Күдіктілер жеке қорғаныс құралын халық тұтынатын тауарлардың арасына жасырған.