Димаш Құдайберген қатысатын ән байқауының кестесі белгілі болды

Қытайдың «Хунан» телеарнасындағы отандасымыз Димаш Құдайберген қатысып жатқан «Singer2017» ән байқауының кестесі белгілі болды. Телеарна сайтындағы мәліметке сәйкес, байқауға қатысушылар жалпы 5 іріктеу кезеңінен өтіп, финалға шығады. Әр іріктеу кезеңінде әншілер 2 айналымнан өнер көрсетеді.

Бүгінде алғашқы кезеңнің екі айналымы өз мәресіне жеткенін ескерсек, Димашты алда әлі 4 үлкен іріктеу кезеңі күтіп тұр. Димаш Құдайберген байқаудың екі кезеңінде сәтті өнер көрсетіп, Қытай халқын аузына қаратқан болатын. ҚазАқпарат агенттігі оқырмандар назарына отандасымыз өнер көрсететін «Singer2017» ән байқауының кестесін ұсынады.

I кезең: 21 және 28 қаңтар.

II кезең: 4 және 11 ақпан.

III кезең: 18 және 25 ақпан.

IV кезең: 4 және 11 наурыз.

V кезең: 18 наурыз, 25 наурыз.

Финал: 1, 8 және 15 сәуір күндері өтеді. Байқау әр аптаның сенбі күні Астана уақытымен 20:30-да эфирге шығатынын айта кеткен жөн.

inform.kz