Тобыл-Торғай tobyl-torgai.kz
Қостанай облысы Меңдіқара ауданы Первомайское ауылында сенбіде екі әйелді және 14 жастағы қызды зорламақ болған ер адам ұсталды. «Наш Костанай» басылымының мәліметінше, ол көшедегі жүрген қыздарға тиіскен.
Бастапқыда зардап шеккендердің барлығы кәмелетке толмағандар деп хабарланған болатын, алайда, Қостанай облыстық ІІД баспасөз қызметіндегілер бұл мәліметті жоққа шығарды.
«Зардап шеккендердің ішінде кәмелетке толмаған 14 жастағы қыз бар. Қалғандары 1963 және 1983 жылғы әйелдер. Қазіргі уақытта 28 жастағы күдікті ұсталды. Оған әйелдерді зорламақшы болды және есірткі сақтады айып тағылып отыр. Сотқа дейінгі тергеу жұмыстары жүргізіліп жатыр, қажетті сараптамалар тағайындалды» деді баспасөз қызметінен Елена Кашарина.
top-news.kz
